प्रद्यान सम्पादक केसी विद्यावारिधी हासिल गर्न सफल

दक्षिण कोरिया, ११ फागुन । यस न्युज केन्द्रबिन्दु डटकमका प्रद्यान सम्पादक कमला केसी दक्षिण कोरियाको विश्वविद्यालयवाट विद्यावारिधी हासिल गर्न सफल हुनुभएको छ ।
केसीले सियोलमा रहेको डोङवाङ युनिभर्सिटिवाट नेपालमा आधुनिक संस्कृतिको प्रभाव र कला नीतिहरु ( A Study on the influence of modern culture and Art policies In Nepal-Navigating Nepal’s cultural policy Landscape) विषयमा विद्यावारिधि हासिल गर्नुभएको हो ।
विद्यावारिधि सँगै डाक्टर उपाधि पाउनुभएकी केसी नेपाल पत्रकार महासंघ दक्षिण कोरिया शाखाको सचिब तथा पर्वत समाज दक्षिण कोरियाको महासचिब समेत रहनुभएको छ । उहाँ विभिन्न सामाजिक संघ संस्थामा समेत आवद्ध हुनुहुन्छ । लामो समयदेखिको कोरिया बसाई र निरन्तरको मेहनत र लगाववाट विद्यावारिधी हासिल गर्न सफल भएको डा. केसीले बताउनुभयो । उहाँले विदेशमा रहँदा वा नेपालमा रहँदा पनि आफुले अध्ययन गरेको विषयलाई व्यवहारमा लागु गर्न निरन्तर प्रयत्न गर्ने बताउनुभयो ।
उहाँले पिएचडि हासिल गरेँसँगै दक्षिण कोरियामा सक्रिय विभिन्न संघ संस्थाहरुले सामाजिक सञ्जाल मार्फत बधाई ज्ञापन गरेका छन् ।