दक्षिण कोरियाको योङइनस्थित लोकसङ्ग्रहालयमा कोरियाली इतिहास र संस्कृतिको झल्को

 कोरियाको ग्योङ्गी प्रान्तस्थित योङइन (용인) मा रहेको लोकसङ्ग्रहालय (민속관) ले कोरियाली इतिहास, संस्कृति र परम्परागत जीवनशैलीलाई जीवन्त रूपमा प्रस्तुत गरेको छ।

सङ्ग्रहालयमा १९औँ शताब्दीको उत्तरार्धका कोरियाली परिवारहरूको रहनसहन, धार्मिक विश्वास, विवाह संस्कार, चाडपर्व तथा दैनिक जीवनशैलीलाई प्रदर्शनीमार्फत देखाइएको छ।

लोप हुँदै गएका मौलिक संस्कृति र परम्पराको संरक्षण गर्दै नयाँ पुस्तालाई इतिहाससँग परिचित गराउने उद्देश्यले सञ्चालित यो सङ्ग्रहालय स्वदेशी तथा विदेशी पर्यटकका लागि आकर्षक गन्तव्य बनेको छ।