सुवन, दक्षिण कोरिया – किरत राई यायोक्खा, दक्षिण कोरियाको १२औं केन्द्रीय कार्यसमितिको आयोजनामा यलेदोङ ५०८५ को अवसरमा “सुवन उभौली साकेला २०२५” भव्य रूपमा आयोजना गरिने भएको छ।
किरात समुदायको मौलिक संस्कृति, परम्परा र एकताको प्रतीकस्वरूप मनाइने उभौली साकेला चाड यस वर्ष २५ मे २०२५ (आईतबार) का दिन सुवनको Hwaseomun Jangan Park मा विशेष कार्यक्रमसहित सम्पन्न गरिनेछ।
कार्यक्रम बिहान ११:०० बजे सुरु हुनेछ। आयोजकहरूका अनुसार साकेला पूजा, मुन्धुमअनुसार धार्मिक विधि, समूहगत साकेला नाच (सिलि), पारम्परिक भेषभूषा र परिकारको प्रदर्शनीसहित विविध सांस्कृतिक कार्यक्रम आयोजना गरिनेछ।
उक्त स्थानमा पुग्नका लागि सुवन शहरभित्रका विभिन्न स्थानहरूबाट ७७७० रातो, ७७७, ९००, ७००-२ नम्बरका बस प्रयोग गर्न सकिनेछ।
उक्त कार्यक्रममार्फत विदेशमा रहेका किरात समुदायबीच आपसी सद्भाव, संस्कृति संरक्षण र पहिचानको प्रवर्द्धन गर्ने अपेक्षा गरिएको छ। आयोजक समितिले सबैलाई समयमै उपस्थित भई कार्यक्रमलाई सफल बनाउन हार्दिक निमन्त्रणा गरेको छ।
