कमला केसी/दक्षिण कोरिया
समाचारमुलक अनलाईन पत्रिका न्युज केन्द्रबिन्दु डटकमले आजदेखि केन्द्रबिन्दु विशेष संवाद शीर्षकको नयाँ कार्यक्रमको प्रसारण प्रारम्भ गर्ने भएको छ ।
यस कार्यक्रमलाई प्रत्येक महिनाको दोस्रो र चौथो शनिबार, बेलुकी ९ः०० बजे नियमित रूपमा प्रसारण गरिने भएको छ । विशेष संवादको पहिलो शृंखला आज बेलुकी ठीक ९ः०० बजे प्रशारण हुने भएको छ । उक्त कार्यक्रम न्यूजकेन्द्रबिन्दुरको फेसबुक पेज, र अनलाईनवाट प्रत्यक्ष दृश्यावलोकन गर्न सकिन्छ । दर्शक महानुभावहरूलाई कार्यक्रम हेरेर प्रतिकिृया दिन अनलाईनले आग्रह गरेको छ ।
यस विशेष संवादको प्रस्तोता डा. कमला केसी हुनुहुनेछ, कार्यक्रमले दर्शकहरूलाई नयाँ र ज्ञानवर्धक अनुभव प्रदान गर्नेछ । कार्यक्रमको सम्पादन तथा क्यामेराको जिम्मेवारी सोनम पराजुलीले निर्वाह गर्नुभएको छ भने पोस्ट-प्रोडक्सन कार्य युजिना स्टुडियोले गर्ने छ ।
यस कार्यक्रमसँग प्रायोजन, सहप्रायोजन वा विज्ञापनका लागि इच्छुक महानुभावहरूले सम्पर्क गर्न सक्नुहुनेछ । कार्यक्रमको पहिलो श्रृङ्खलामा दक्षिण कोरियामा नेपाली श्रमिकको अवस्था, समृद्धि र संघर्ष विषयमा संवाद गरिने भएको छ ।
