कमला केसी/दक्षिण कोरिया
सिन्धुपाल्चोक समाज दक्षिण कोरियाको दशौ बार्षिकोत्सव समारोहमा आगामी नोभेम्बर ३ तारिकमा हुने भएको छ ।
आपसी सहयोग, सद्भाव र सदाचार सिन्धुपाल्चोकवासी मिलनको आधार भन्ने मुल नाराका साथ समाजले भव्य रुपमा बार्षिकोत्सव मनाउन थालेको हो । बार्षिकोत्सवको अवसरमा विभिन्न कार्यक्रमहरु आयोजना गरिएको समाजका महासचिब उद्धब नेपालले जानकारी दिनुभयो ।
नेपाली थाई रेष्टुरेण्टको सभाहल दोङदेमुनमा हुने समारोह बिहान ११ बजेदेखि शुरु हुने भएको छ । सामाजिक क्षेत्रमा क्रियाशिल यो संस्थाले बार्षिकोत्सव समारोहलाई भब्य र सभ्य रुपमा सम्पन्न गर्नका लागि सम्पुणर् नेपाली दाजुभाई तथा दिदीबहिनीरुमा हार्दिक आमन्त्रण गरेको छ ।
समाजले स्थापनाकालदेखिनै बाढिपहिरो, भुकम्प, अनाथ, असहाय, प्राकृतिक विपित्ति, प्राणघातक रोग लागेका व्यक्ति तथा समाजलाई सहयोग गर्दै आएको छ । त्यसैगरी शिक्षा, स्वास्थ्य र सिन्धुपाल्चोक जिल्लाको विभिन्न विकासमा समेत समाजले सहयोग गर्दै आएको महासचिब नेपालले जानकारी दिनुभयो ।
