इजरायलको जेरुसेलम सहर नजिकै बेथलहेम भन्ने स्थानमा जिसस क्राइस्ट ख्रिस्टको जन्म भएको बाइबलमा उल्लेख गरिएको छ । तर पनि येसु ख्रिस्टको जन्ममिति बारेमा बाइबल नै मौन रहेको छ । जन्ममितिको विषयमा न्यु क्याथोलिक इन्साइक्लोपिडियाले इसाइ समुदायभित्र पनि एकमत छैन भनेर प्रस्ट पारिएको छ । ख्रिस्टको जन्म २५ डिसेम्बरको दिन भएको हो भनेर आधिकारिक रूपमा प्रमाणित नभए पनि त्यसको पुष्टि गर्ने प्रशस्त आधार भने पाइन्छ । उहाँको जन्मको स्मरण अधिकांश क्रिस्चियनले संसारभरी यसै दिन गर्ने गरेका छन् ।
