काठमाडौँ । नेपाल विद्युत् प्राधिकरणले डेडिकेटेड र ट्रंक लाइनबापतको अर्बौ महशुल बुझाउन बाँकी रहेको भन्दै धमाधम लाइन काट्दै छ । अहिलेसम्म प्राधिकरणले ९ वटा उद्योगको लाइन काटिसकेको छ । यी उद्योगबाट १२ अर्ब रुपैयाँभन्दा बढी रकम उठाउन बाँकी रहेको प्राधिकरणको भनाई छ ।
प्राधिकरणका अनुसार ६१ वटा उद्योगबाट २२ अर्ब २४ करोड रुपैयाँ बक्यौता उठाउन बाँकी रहेको प्राधिकरणले जनाएको छ । यो रकम नउठेसम्म प्राधिकरणले सबै उद्योगको लाइन काट्दै जाने समेत बताएको छ ।
