कमला केसी/दक्षिण कोरिया
सामाजिक सेवामा सक्रिय राप्ती समाज दक्षिण कोरियाको आयोजनामा राप्ती भेटघाट तथा सम्मान कार्यक्रम २०२४ सम्पन्न भएको छ ।
‘हामी जहाँ भएपनि हाम्रो एउटै विशेषता, विशुद्ध सामाजिक कामको लागि राप्ती समाजको एकता’ भन्ने मूल नाराका साथ आइतबार कार्यक्रम सम्पन्न भएको हो ।
कामना सभाहल सुवनमा सम्पन्न भएको कार्यक्रममा नेपाली कथानाक चलचित्र पूजार सार्की प्रदर्शन गर्नका लागि आर्थिक नैतिक र भौतिक रुपमा सहयोग पुर्याउनुहुने सहयोगदाताहरुलाई सम्मान गरिएको छ ।
संस्थाका अध्यक्ष अमृत केसीको अध्यक्षतामा सम्पन्न कार्यक्रममा नेपाली सम्पर्क समितिका अध्यक्ष हरि खनालको प्रमुख आतिथ्यता रहेको थियो ।
कार्यक्रममा प्रदेश एवं जिल्ला अध्यक्ष एवं पदाधिकारीहरुको उपस्थिति रहेको थियो । कार्यक्रमको संचालन राप्ती समाजका महासचिव बायु पौडेलले गर्नुभएको थियो ।
