राष्ट्रिय स्वतन्त्र पार्टी (रास्वपा) को महाधिवेशनमा केन्द्रीय सदस्य पदका लागि भएको निर्वाचनमा सबैभन्दा धेरै मत प्राप्त गरेका डा. स्वर्णिम वाग्ले पुरुषतर्फको उपसभापति पदमा उम्मेदवार बनेका छन्।
त्यसैगरी, महिला केन्द्रीय सदस्यतर्फ दोस्रो सर्वाधिक मत प्राप्त गर्न सफल सोबिता गौतम ले महिलातर्फको उपसभापति पदमा उम्मेदवारी दर्ता गरेकी छन्।
केन्द्रीय सदस्य निर्वाचनमा प्राप्त जनसमर्थन र लोकप्रिय मतका आधारमा दुवै नेताको उपसभापति पदको प्रतिस्पर्धा थप चासोको विषय बनेको छ। महाधिवेशन प्रतिनिधिहरूमाझ लोकप्रिय मत प्राप्त नेताहरू नेतृत्वको उच्च तहमा पुग्ने सम्भावना बढेकाले उपसभापति पदको चुनावलाई विशेष महत्वका साथ हेरिएको छ।
अब सबैको नजर उपसभापति पदको अन्तिम नतिजातर्फ केन्द्रित भएको छ। के लोकप्रिय मतलाई प्रतिनिधिहरूको विश्वासले निरन्तरता दिनेछ? यसको जवाफ निर्वाचन परिणामले दिनेछ।
