कमला केसी/दक्षिण कोरिया
अन्तर्राष्ट्रिय नेपाली साहित्य समाज कोरिया च्याप्टरको आयोजनामा काब्य सुधा १६६ औँ श्रृङ्खला अक्टुवर ११ तारिकमा हुने भएको छ ।
समाजले विगत लामो समयदेखि संचालन गर्दै आईरहेको काव्य-सुधा १६६ औं शृङ्खला अन्तर्गत यसपटक बिजया दशमी २०८१ को शुभकामना आदानप्रदान सहित रचनाबाचनको कार्यक्रम आयोजना गरिएको हो । अक्टोेबर ११ तारिख शुक्रबार साँझ ९ बजे (नेपाली समय साँझ ६ बजे) भर्चुअल माध्यमबाट कार्यक्रम गरिने भएको छ ।
उक्त कार्यक्रममा सहभागिता भई शुभकामना तथा रचनावाचनमा सरिक भैदिनुहुन समाजले सम्पुणर् नेपाली दाजुभाई तथा दिदीबहिनीहरुमा हार्दिक निमन्त्रणा गरेको छ ।
कार्यक्रममा सहभागि हुनका लागि मिटिङ आईडी र पासवर्ड ब्यानरमा उल्लेख गरिएको छ ।
नेपाली कला र साहित्यको जगेर्ना गर्नका लागि समाजले लामो समयदेखि यो कार्यक्रम गर्दै आएको छ ।
