गत फेब्रुअरीमा यङामस्थित बङ्गुर फर्ममा काम गर्दै आएका तुल्सी पुन मगरलाई सताइ कुटपिट गर्दा आत्महत्या गर्न बाध्य भएको घटनामा अदालतले दोषीलाई सजाय सुनाएको छ। आज (अगस्ट २०) मोक्पो अदालतले फर्म मालिकलाई २ वर्ष कैद सजायसहित १० लाख वोन जरिवाना र टोली प्रमुखलाई ८ महिना कैद सजायको फैसला गरेको हो।
एमटीयु (Migrants’ Trade Union) ले दायर गरेको मुद्दा र लामो दबाबपूर्ण गतिविधिपछि अदालतले यस्तो फैसला गरेको हो। प्रवासी श्रमिकहरूले कार्यस्थलमा भोग्दै आएको भेदभाव, कुटपिट र अपमानजनक व्यवहार तत्काल अन्त्य गर्नुपर्ने एमटीयुले जनाएको छ।
यसैबीच, प्रवासी श्रमिकहरूको हकहितका लागि एमटीयुले आउँदो सेप्टेम्बर २१, आइतबार दिउँसो २ बजे सउल श्रम विभाग कार्यालय अगाडि राष्ट्रिय जुलुस गर्ने घोषणा गरेको छ।
