कमला केसी/दक्षिण कोरिया
लाबा मिडिया प्रालीको ब्यानरमा बनेको “आँखामा गाजल लाएर” बोलको सेलो दोहोरी सार्वजनिक भएको छ । गीतको भिडीयो सहित आइतबारदेखि युट्युवमा सार्वजानिक भएको छ ।
गीतमा शुभराज भोम्जनको शब्द संगीत रहनुका साथै गायक प्रकाश तितुङ तामाङ र गायिका जीतु लोप्चनको स्वर रहेको छ ।
लाबा मिडियाको आधिकारीक युट्युब च्यानल लाबा मिडिया मार्फत आइतबार दिउँसो सार्वजनिक गरिएको हो । दक्षिण कोरियाको बिभिन्न स्थानहरुमा छाँयांकन गरिएको भिडीयोमा नवोदित कलाकारद्धय पासाङ शेर्पा र एञ्जिला शेर्पाले अभिनय गरेका छन् ।
जोगलाल लामाले एरेञ्ज गरेको गीतमा दिपेश प्रधानले मिक्सिङ गरेका थिए । त्यसैगरी भिडीयोेलाई शुभराज भोम्जन स्वयमले निर्देशन गर्नुका साथै इजोक मगरले छाँयांकन तथा सम्पादन गरेका छन् ।
त्यसैगरी भिडीयोको कोरियाग्राफी देब दोर्जे लामाले गर्नुका साथै साहयक निर्देशकको रुपमा ठिलेन शेर्पाले काम गरेका छन् । हाल सम्म लाबा मिडियोका ब्यानरमा आधा दर्जन भन्दा बढी गीतहरु सार्वजनिक भैसकेका छन् ।
भिडियो
